Пекшня велень лопа / Сайт села Пикшень

Пикшня велем

Авакай, корьмакай,

Монь Пикшня велем.

Кода монень паро:

Аштят икелем.

Тон минек чачтымизь—

Невтик маней чинть

Ды панжик эрямонь

Келей валдо кинть.

Мороюткось:

Эряк тон ламо пингеть,

Монь эрзянь вел ем.

Ды кадык лембе кедьсэть

Улезэ кедем.

Эрямонь кинть лангсо

Кастыть парт ломанть.

Ульнесть толсо-ведьсэ,

Но сынь эзть ёма.

Андыцянь-симдицянь

Шнамо лем кандат.

Масторсонть ломантнень

Тон кшиде андат.

Мороюткось:

Умонь шкасто Пушкин

Инжекс теть сакшнось.

Сон паро арсемат

Тонеть ёвтакшнось.

Ней пурьгинечиркесь

Циторды велькссэть,

Прок Изнямонь арка

Ашти менельсэть.

Мороюткось:

Эряк тон ламо пингеть,

Монь Эрзянь велем.

Кадык лембе кедьсэть

Свал эжни кедем.