Пикшня велем Авакай, корьмакай, Монь Пикшня велем. Кода монень паро: Аштят икелем. Тон минек чачтымизь— Невтик маней чинть Ды панжик эрямонь Келей валдо кинть. Мороюткось: Эряк тон ламо пингеть, Монь эрзянь вел ем. Ды кадык лембе кедьсэть Улезэ кедем. Эрямонь кинть лангсо Кастыть парт ломанть. Ульнесть толсо-ведьсэ, Но сынь эзть ёма. Андыцянь-симдицянь Шнамо лем кандат. Масторсонть ломантнень Тон кшиде андат. Мороюткось: Умонь шкасто Пушкин Инжекс теть сакшнось. Сон паро арсемат Тонеть ёвтакшнось. Ней пурьгинечиркесь Циторды велькссэть, Прок Изнямонь арка Ашти менельсэть. Мороюткось: Эряк тон ламо пингеть, Монь Эрзянь велем. Кадык лембе кедьсэть Свал эжни кедем. Павел Любаев

                       Пекшня велень лопа / Сайт села Пикшень

Форма входа

Поиск

Главная » 2009 » Сентябрь » 9 » Эрзянь кулялопань Чи марто, эрзят!
22:45
Эрзянь кулялопань Чи марто, эрзят!

«Эрзянь Мастор» кулялопань прявт витницянтень.
Арневикс Нуянь Видяз, «Эрзянь Мастор» кулялопанть прявт витницязо!
Течи тынь, эрзянь кулялопань теицятне, ды минь, сонгзэ ловныцянзо, вейсэ, косо те шкастонть аволинек эря-уле, тешкстатано пек редявикс Эрзя раськень чинть.
Течи вечкевикс эрзянь раськень кулялопантень топодить кеветее иеть.
Кода ломанентень, истя кулянь сравты лопанть туртовгак васень кеветее эрямо иетне, те пектеяк пек важов ды эрявикс шкась-пингесь. Неть иетнестэ таштави содамочись, превть, келейгады-домкалгады эсь Эрзя раськенть эрямонзо лангс варштавксось.
Эсь раськень ванстыцякс улемась-аштемась, те ине тевесь - аволь шождатнень ютксто. Улавось стака, кись аволь валаня, лутков-латков, каворьксэв. Улить эйсэнзэ пирицят, калавтыцят, лангозонк кевень ёртницят, палы налонь нолдницят ды сялгицят-сялдыцят. Ансяк, тенк пачк лездась Инешкипазонь чанстямось, Эрзя раськес кемемась, эсь Эрзя раськень вечкемась.
Тынк лезкссэ касы Эрзя раськенть эсь лемензэ, келензэ ды эрямопингензэ-историянзо вечкемась.
Кулялопанть лезкссэ вейс пурнави, виеми Эрзя раськесь.
Минь, сонзэ ловныцятне, седейстэ-ойместэ лисиця паро мельсэ, модас сюконятано тенк ине тевенк кис.
Ули мелем, те редявикс чинть, таштамковонь 22 чинть, яволявтомс ды кемекстамс эрзянь кулясравтома тевень Чикс, конань эрзя раськентенть тешкстнеманзо эрьва иестэ.
Шумбрачи ди икелев молиця тевть тонеть, Видяз леляй, тонь лездыцянтень, конёвтевень ветицянтень Кузоватонь Улиненень.
Эряк, «Эрзянь Мастор»! Валдомт эрзянь превть, кемекстак эрзянь меленть! Вейсэндяк Эрзя раськенть!
Кадык оймесэнк палы эрзянь раськень штатолнэсь ды валдомты минек раськенть икелев молиця кинть!

Эрюш Вежай
«ЭМ» кулялопанть ловныцясь ды вечкицясь.
Просмотров: 798 | Добавил: Sergu | Рейтинг: 0.0/0
Всего комментариев: 0
Имя *:
Email *:
Код *:

Архив записей

...EKN=ESN.ERZINFO

Статистика


Онлайн всего: 1
Гостей: 1
Пользователей: 0